Ansanm Laspérans Véli, nou vé mèt anlèr nout lang kréol. Pou sa nou ansèrv nout gabié pou done sak la bézoin, in bèrtèl zarlor. Nou amont in manièr travay pou lamontrèr ; in manièr aprann pou marmay ou sansa zétudian ; épisa in manièr fé viv la lang konm in patrimoine la kiltir kréol. Nout manièr agard la lang kréol i amèn anou fagot bann gayar supor pédagojik, i gingn ansèrv toutsuit épisa pou in takon marmay mémsi lé pa mèm nivo. Kisoi le manièr ékri, le manièr di, le manièr prononsé... tousala i fé parti nout "patrimoine linguistique" réyoné. Zot va artrouv zafish déja inprimé, zafish PDF ou gingn télésharjé, bann kour, bann zaktivité, in takon zafèr ankor... nou la fagoté, pou aprann kréol plu vitman épisa pou rann lamontraz nout lang kréol plu gabié.